Þjónusta - sorphirða

Ein 240L tunna fylgir hverju fasteignanúmeri íbúðarhúsnæðis. Fasteignareigandi greiðir aukalegt sorphirðugjald af hveri aukatunnu. Það er innheimt af viðkomandi sveitarfélagi í gegnum fasteignagjöld. Óski fasteignareigandi eftir aukatunnu getur hann hringt í síma 4218010. Í sama númer skal hringja ef tunnan þarfnast viðhalds.

Sorphirðu frá heimilum var breytt þann 1.febrúar 2004 úr 7 daga kerfi í 10 daga kerfi. Frá og með 1. febrúar 2018 sér Gámaþjónustan hf um sorphirðuna á Suðurnesjum og skal athugasemdum/kvörtunum vegna sorphirðu beint til Gámaþjónustunnar hf. í Hafnarfirði í síma 535-2500 einnig má koma ábendingum á netfangið gamar@gamar.is

Sorphirðudagatali er dreift til allra íbúa Suðurnesja. Dagatalið er þannig byggt upp að einstökum sveitarfélögum eða hverfum sveitarfélags (Reykjanesbær) er gefin mismunandi litur. Þessi litur gefur til kynna hvenær sorp er hirt í viðkomandi sveitarfélagi. T.d. er liturinn fyrir Grindavík og nágrenni gulur og er þá sorp hirt frá Grindavík á þeim dögum sem litaðir eru gulir. Hægt er að sjá dagatal yfir sorphirðudaga í viðkomandi sveitarfélögunum á forsíðu Kölku

Samkvæmt útboðslýsingu sorphirðunnar þarf verktaki að fylgja eftirfarandi kröfum:

   1.   Verktaki skal byrja að hirða sorp frá heimilum kl. 7.00 virka daga en 9.00 um helgar.

   2.   Starfsmenn verktaka skulu skila tunnum á sama stað og ganga frá þeim eins og að var komið.

   3.   Starfsmenn verktaka skulu skilja við tunnur þannig að allri umferð stafi ekki hætta af þeim.

   4.   Starfsmenn verktaka skulu ganga hljóðlega um við vinnu sína.

   5.   Verktaka er óheimilt að hirða sorp frá rekstraraðilum.

Fasteignareigendur hafa líka skyldum að gegna:

   1.   Sorpílát sem eru geymd utanhúss skulu standa á fastri undirstöðu.

   2.   Æskilegt er að sorpílát standi sem næst lóðarmörkum ef kostur er.

   3.   Aðgangur skal vera greiður að sorpílátum, t.d. skal moka snjó þannig að starfsmenn verktaka komist að sorpílátum til að hirða þau.

   4.   Ganga skal þannig frá sorpílátum og sorpgeymslum að sorpílát fjúki ekki eða valdi óþrifum eða óþægindum.

   5.   Sorpílát og sorpgeymslum skal haldið við eftir þörfum og þær hreinsaðar reglulega.