Nýr framkvæmdastjóri Kölku sorpeyðingarstöðvar sf.

13.9.2019

Stjórn Kölku sorpeyðingarstöðvar hefur ráðið Steinþór Þórðarson sem framkvæmdastjóra Kölku sf. úr hópi 30 umsækjenda. Steinþór tekur við starfinu af Jóni Norðfjörð, sem gegnt hefur starfinu frá árinu 2011.

Steinþór er menntaður á sviði sálfræði, kennslu- og viðskiptafræða. Hann hefur víðtækra stjórnunarreynslu af margvíslegum vettvangi, m.a. við mannauðstjórnun í smásölufyrirtæki og hjá stóriðjufyrirtækjum. Hann starfaði fyrir Alcoa að gangsetningarverkefnum bæði á Reyðarfirði og í Sádí Arabíu. Auk þess hefur Steinþór talsverða reynslu af ráðgjöf en hann starfaði hjá Capacent um fjögurra ára skeið og fékkst þar við margvísleg verkefni á svið rekstrar- og stjórnunarráðgjafar. Steinþór kemur til Kölku frá PCC BakkiSilicon á Húsavík þar sem hann hefur gegnt starfi framkvæmdastjóra umhverfis-, heilbrigðis-, öryggis-, gæða- og mannauðsmálamála. Steinþór hefur störf hjá Kölku 1. október n.k.

Til baka