Stjórn SS - fundur 482

19.7.2017

482. fundur stjórnar Sorpeyðingarstöðvar Suðurnesja sf. haldinn fimmtudaginn 13. júlí 2017  kl. 16:30 í fundarsal Kölku að Berghólabraut 7 í Reykjanesbæ.

Mætt eru: Birgir Már Bragason, Jóna Rut Jónsdóttir, Inga Rut Hlöðversdóttir, Bjarni Stefánsson, Gísli Heiðarsson, Hanna Björg Konráðsdóttir og Jón Norðfjörð framkvæmdastjóri sem ritaði fundargerð.

Brynja Kristjánsdóttir, Jóna Hrefna Bergsteinsdóttir og Elín Björg Gissurardóttir boðuðu forföll. Gísli Heiðarsson mætti fyrir Brynju, Hanna Björg Konráðsdóttir mætti fyrir Jónu Hrefnu en varamaður Elínar Bjargar var einnig forfallaður.

Birgir Már Bragason formaður stjórnar setti fundinn og bauð fundarmenn velkomna.

Dagskrá:

   1.   Sameiningarviðræður SS og Sorpu – afgreiðsla bæjarfélaganna

   2.   Tillaga SS um flokkun úrgangs - afgreiðsla bæjarfélaganna

   3.   Uppsögn verksamninga

   4.   Útboð verksamninga

   5.   Önnur mál

1. Sameiningarviðræður SS og Sorpu – afgreiðsla bæjarfélaganna

Öll sveitarfélögin, eigendur SS hafa nú tekið til afgreiðslu erindi stjórnar SS um að taka afstöðu til sameiningarviðræðna SS og Sorpu samkvæmt því sem fram kemur í skýrslu Capacent og kynningu sem öll sveitarfélögin fengu. Öll sveitarfélögin hafa samþykkt að boðað verði til sameiginlegs eigendafundar áður en formleg afstaða verði tekin til málsins. Málið rætt og samþykkt að leggja til við sveitarfélögin að boðað verði til sameiginlegs eigendafundar fimmtudaginn 21. september n.k.

2. Tillaga SS um flokkun úrgangs – afgreiðsla bæjarfélaganna

Öll sveitarfélögin, eigendur SS hafa nú tekið til afgreiðslu tillögu stjórnar SS um að hefja flokkun úrgangs við heimili. Öll sveitarfélögin hafa samþykkt tillöguna án athugasemda nema bæjarráð Voga, sem leggur jafnframt til að í útboðsgögnum verði gert ráð fyrir þeim möguleika að gera ráð fyrir þriggja tunnu kerfi eða eftir atvikum grenndargám fyrir plastúrgang í stað þriðju tunnunnar og frá bæjarráði Sandgerðis komu nokkrar spurningar frá umhverfisráði bæjarins. Framkvæmdastjóra falið að fylgja framgangi málsins eftir.

3. Uppsögn verksamninga

Framkvæmdastjóri lagði fram bréf sem send hafa verið þeim fyrirtækjum sem eru verktakar í sorphirðu, gámaflutningum, efniskaupum o.fl. Þessi fyrirtæki eru Hópsnes ehf. sem annast sorphirðu o.fl., Íslenska gámafélagið ehf. sem annst flutninga o.fl. og Hringrás ehf. sem annast flutninga, móttöku málma o.fl.

Lagt fram til kynningar.

4. Útboð verksamninga

Vinna við undirbúning á útboði verksamninga sem taka eiga gildi hinn 1. febrúar 2018 eru nú í fullum gangi. Mikilla og margvíslegra gagna hefur þegar verið aflað og stefnt er að því að útboðsgögn verði tilbúin snemma á haustmánuðum.

5. Önnur mál

Næsti stjórnarfundur er áætlaður fimmtudaginn 10. ágúst.

Fleira ekki gert, fundi slitið kl. 17:40

Birgir Már Bragason
Gísli Heiðarsson
Jóna Rut Jónsdóttir
Inga Rut Hlöðversdóttir
Hanna Björg Konráðsdóttir
Bjarni Stefánsson
Jón Norðfjörð

Til baka